物理方式脫毛

物理脫毛有三種方式，剃刀剃毛，鑷子拔毛，蜜蠟脫毛。痛苦指數依次上升。

剃刀

剃毛係最常用嘅方式，雖然用剃刀去除毛髮，非常快捷，容易操作，但毛髮越剃生長速度越快，形成毛孔粗大，容易引起毛囊炎，導致皮膚敏感等等。

鑷子拔毛

用鑷子方式除毛可以連根拔起，毛髮生長速度維持時間比剃刀長，痛楚明顯而且非常耗時間，拉扯毛髮容易損傷毛囊，肌膚變得脆弱，當短髮捲曲入皮膚並持續生長時，就會出現內生毛髮。

蜜蠟脫毛

蜜蠟脫毛利用熱溶嘅蜜蠟液或蜜蠟貼大面積除毛，透過脫毛部位塗上蜜蠟，待蠟稍為冷卻後快速撕走，將毛髮連根拔起，脫得乾乾淨淨！同鑷子拔毛嘅原理差唔多。撕走過程痛感強烈，未必人人可以承受。而且有機會引起毛髮倒生。

推薦指數：⭐️

化學方式脫毛

主要使用脫毛膏，以乳、膏狀嘅化學物質敷係除毛位置黎溶解毛髮中嘅蛋白質，唔會破壞毛囊，所以脫毛效果係暫時性。脫毛膏入面嘅化學成分對人體皮膚有一定嘅刺激性，有過敏風險，唔適合用於臉部及私密處，而敏感性肌膚要慎選除毛膏產品。

推薦指數：⭐️⭐️

居家除毛儀器

居家除毛儀器分為雷射、光學及藍光熱感，光學除毛係藉由脈衝光嘅原理，令光波嘅能量被毛囊嘅黑色素吸收，進而破壞毛囊。而藍光係利用熱力刺激毛囊、降低角蛋白含量嘅方式去抑制或減緩毛髮生長，但難以永久性除毛。脫毛儀可能會因為使用手法唔正確，容易出現疼痛，色素沉著，起水泡等。

推薦指數：⭐️⭐️⭐️

激光脱毛

激光脫毛嘅原理係皮膚就好似一張透明嘅玻璃紙，激光可以無阻檔咁穿過皮膚直達毛囊。而因為毛囊本身包含好多黑色素，所以會優先吸收大量激光能量之後變成熱能，毛囊受熱凝固壞死，導致毛髮停止生長。