激光脫毛前準備及脫毛後有咩要注意？
女生嘅日常扮靚工作就加多不少，要美白、要防曬、要減肥、要脫毛。為咗係夏天要露肉show身材，又要睇住啲毛毛有無鼠出嚟，所以好多女生都會選擇激光脫毛。激光脫毛相對係「一勞永逸」嘅脫毛方法，可以令女生盡情燃燒青春。但都唔好急，最緊要靚！今日帶各位了解一下關於脫毛前後相關嘅注意事項。
激光脫毛前
曬太陽後肌膚會變得較乾燥缺水，容易敏感，所以唔建議脫毛前曬太陽，刺激皮膚。
月經期間不宜進行比基尼激光脫毛療程，以免接受激光脫毛出現不適或增加感染風險。
避免使用身體磨砂或使用任何去角質產品及具有美白功效等刺激性嘅護膚品。
避免服食感光類嘅藥物，例如A酸、月見草、魚油丸和美白丸等，會影響皮膚吸光及脫毛效果。
確認皮膚無受傷或者紅腫等異常症狀，須待痊癒後才可進行療程。
激光脫毛後
激光脫毛後使用抗敏保濕類嘅產品令肌膚得到舒緩及水潤，保持皮膚健康。
避免使用身體磨砂或使用任何去角質產品及具有美白功效等刺激性嘅護膚品。
激光脫毛後皮膚會變得易受刺激，沖涼水溫不宜過高，一般以溫涼水即可，溫度約10-20℃，另外最好用PH5.5與肌膚酸鹼值相近嘅沖涼液。短時間內唔好焗桑拿。
盡量停止游泳，因為唔保證水質嘅安全及乾淨性有機會引發皮膚內部感染，及發炎情況。
避免陽光暴晒，做好防曬工作。過度日曬會引起色素沉澱和膚色變深，會影響激光穿透度，令熱能無法到達皮膚深處的毛囊，日後進行激光脫毛療程效果便會大減。
