若果無好好咁處理背部嘅暗瘡、粒粒，好大可能會生過不停，甚至背部暗瘡印長年累月都唔褪。個個都想自己做到「背多fun」，將白滑背部展示俾其他人睇， 不過背部暗瘡就令到自己一路令自己唔敢露背，想自信咁係下一個夏天盡情露背！
就不如了解一下導致背部暗瘡出現4大原因 :
1/沐浴露成份
都市人生活忙碌，大家都會好好享受夜晚嘅熱水涼，好好咁放空休息一下 。
不過揀沐浴露嘅時候，就一定要注意成份，特別係有磨砂成分嘅沐浴露，磨砂雖然可以令皮膚去角質，但如果使用過度，就好容易令皮膚磨損，導致皮膚敏感、紅腫。
如果背部本身已經有暗粒、暗瘡，有磨砂成分嘅沐浴露仲有機會令到發炎部位情況惡化，所以使用時一定要注意自己皮膚狀況。
2/穿著緊身衣物
女仔為咗展現美好嘅身段，好多時都會選擇穿著緊身衫，不過緊身衫會增加令背部毛孔堵塞嘅機會，特別係夏天。
因為夏天天氣炎熱，身體會分泌大量油脂同汗水，再加上緊身衫唔透氣，令背部長期焗促，容易滋生細菌，最後形成背部暗瘡、粉刺同毛囊發炎。
3/壓力過大
讀書時期會因為壓力大而令面部出現暗瘡，其實背部一樣都會。成年後，好多人都會因為壓力大、睡眠不足等因素，令導致身體中嘅荷爾蒙產生變化，令背部暗瘡、粉刺再次出現。
4/沖涼時忽略背部
好多時因為洗澡時唔順手令背部難以擦得乾淨，背部污糟嘅地方未能夠徹底清潔！最後令毛孔容易堵塞，角質層都會愈積愈多，引致背部不斷出現暗粒、暗瘡。
